Noregs mest hardtarbeidande tributeband, Fortunate Sons, skal ut på nye eventyr. Med seg i sekken har dei eit 15-årsjubileum, eit 55-årsjubileum og allsanglåtar som Cotton Fields, Have you ever seen the Rain, Down on the Corner, Good Golly Miss Molly, Proud Mary, Midnight Special og mange fleire. Bandet kan tilby allsong- og ruteskjortegaranti i eit show som både unge og gamle rockenostalgikarar MÅ få med seg!

?Turneen startar i 2023, eit år som for Fortunate Sons inneber to jubileum. Bandet sjølv har då halde på i 15 år, land og strand rundt i heile Noreg med det Creedenske evangeliet. Men i 2023 er det òg 55 år sidan originalane i CCR slapp sitt selvtitulerte debutalbum, som var starten på ferda mot å bli eit av verdas største (og mest undervurderte) rockeband, som har vore elska på tvers av generasjonar sidan.

?I showa "The Creedence Experience" tar Fortunate Sons med seg det beste frå publikumssuksessane Creedence StoryNight, CreedenceMania 1970 og Cosmos Factory 50, og serverer publikum eit heiltstøpt show som set i gong både rockefoten, allsongen og nostalgien for musikkelskarar i alle aldrar.

?Dette er showa du ikkje kan gå glipp av, så på med ruteskjorta og bli med på allsongen!