Scott Derrickson blir gjenforent med Ethan Hawke etter skrekkfavoritten Sinister frå 2012. På 1970-talet forsvinn fem born frå ein småby i Colorado. Alt etterforskarane har å jobbe med er observasjonar av ein svart varebil og svarte ballongar. Finney Shaw (Mason Thames) blir kidnapparens sjette offer, og han blir halde fanga i ein lydisolert kjellar. Den einaste gjenstanden i rommet er ein vegghengt, gamal telefon med øydelagt ledning. Når den likevel byrjar å ringe, oppdagar Finney at stemmene han høyrer kan vere nøkkelen ut av fangskapen. The Black Phone er ein ubehageleg og spennande grøssar, med ein fantastisk lite attkjennande Ethan Hawke i ei sentral rolle.