Margot har vore med å bygge landet og betalt skatt i eit heilt liv. No skal ho endeleg få hauste goda og nyte sitt «opium». Margot banar seg veg gjennom Helse-Norge med livsmot og beinskjørheit. 

Vi rykkjer alle stadig framover i køen! Eller gjer vi det? Bli med Margot og møt aktørane i AS Helse-Norge. Ina Breivik og Simon Andersen opnar dosetten! Du treng ikkje ta med lystgass, vi bjuder :o)

Ina Breivik starta si komikar-/skodespelarkarriere som S i SMXL. Ho har delt scene med mange av landets mest anerkjende komikarar og har blitt nominert til komiprisen heile seks gongar, både for beste forestilling og beste kvinnelege artist. Sist i 2016 med framsyninga «Margot, Alt i boks». Ina sa opp jobben sin som sjukepleiar i 2000 for å satse fullt på artistkarrieren. Då Corona-viruset gjorde sitt inntog i 2020, skjønte ho at det var bruk for henne i helsevesenet, då som sjukepleier. Ina let hennar alter ego, Margot, snakke for seg når status på Helsenorge anno 2022 skal gjerast opp.

Simon Andersen debuterte (på scena) i 1988 som Rolf i "The sound of Music" Etter teaterutdanning på Hordaland Teater og Riksteateret sin elevskule har han spelt på ei rekkje scener rundt i landet. Mest kjend er han som Roy i "Familiesagaen de syv søstre" på TV 2. Han er også offisielt godkjend Wenche Foss-imitator (godkjent av originalen sjølv), har drive eige teater og sett opp/skrive, og spelt i utallege revyar og cabaretar. Når han ikkje står på scena er han ofte å finne i dubbestudio, eller på eit helsehus nær deg.... 

Og i september er det altså Fosnavåg som er nærleiken!